Moitas son as persoas que coñecen algún método de organización coma o famoso Getting things done (GTD) pero poucas as que realmente fan uso destes procesos.
Tamén existen centos de ferramentas para levar control das tarefas, pero poucas as que saen do noso país.
A empresa compostelá GolleGolle está depurando unha pequena aplicación web chamada GupiGupi, que pese aos simpáticos nomes é bastante seria.
Como pode verse na imaxe, a aplicación garda os estilos dos sitema operativo de Apple, pero para executala hai que visitar a web, de momento con invitación.
Por dous motivos principais:
- Para xustificar(me) pagar por un dominio e un espazo web.
- Porque volvo a ter ganas de escribir cousas.
E vouno facer diariamente de luns a xoves, de venres a domingo xa veremos. Porque por enriba de todo sigo preferindo a miña vida analóxica que perder o tempo na rede.
As seccións diarias serán as seguintes (nomes aínda provisionais):
Luns: O que te perdiches filliño! No que falarei dalgún dos temas que durante a semana anterior máis me chamaron a atención.
Martes: Adopta un newbie. Vou adoptar persoas para que den o paso ao uso do software libre na súa vida diaria e aquí darei conta de pequenas utilidades ou recursos de uso común para que vaian seguindo o camiño comodamente.
Mércores: Medos, medias, modas e medios. Será a parte máis cultureta e na que tratarei de falar de música, libros, tecnoloxía, moda ou calquera cousa que se me antolle no momento.
Xoves: Ora et labora. Conterá toda a información que atope de interese sobre o mundo laboral a eficiencia no traballo e os bos costumes que un debería ter na súa vida privada e profesional.
O resto dos días, veremos se falo de algo.