Os 10 principios básicos da lectura de sementes

6dorfun • 17th Xul 2007 • , Ceros e Uns, Ciberlingua, eSementes, galEgo, tomonota, Xeral

1. Elimina todas as fontes que teñan máis de 24 horas. Se non as liches antes, non perdas o tempo intentando poñerte ó día e vai directamente ás de hoxe… ou tamén les os xornais da semán pasada por se te perdiches algo?
2. Escolle un máximo de 100 fontes para ler. Este xa é un número moi grande pero a medida que medra, resulta inmanexable tanta información… e non debemos saturarnos.
3. De ser posible fai uso de planetas, agregadores, resumarizadores,… que conxugen varias fontes distinas e que se actualicen pouco, nunha soa. É moito máis eficiente ler unha fonte común que aune varias, que non ir visitando unha a unha.
4. Selecciona unha ferramenta de lectura cómoda e que cubra as túas necesidades (favoritos, envíos por email, sincronización…). En ocasións necesitarás lembrar certas novas e o feito de poder marcalas ou envialas por email é moi productivo. Do mesmo xeito, poder sincronizar no traballo, na casa, no móbil, no pc, no portátil,… evitará redundancias e optimizará o tempo.
5. Utiliza un cartafol temporal para as novas fontes que che interesen. Moitas veces esa fonte non será tan interesante como che pareceu ó principio e así poderás controlala mellor. Dalle simplemente un par de semáns de proba e eliminaa se non houbo nada de interese nese tempo.
6. Fai unha copia de seguridade das túas fontes de información. Utiliza os exportadores de OPML para gardar e poder así probar outros lectores de sementes, antes de decidirte polo definitivo.
7. Vixía as páxinas que visitas en busca da famosa icona laranxa. En ocasións, se non hai unha ligazón visible, a barra de enderezos de firefox axuda a identificar unha web con contido sindicado. No peor dos casos, sempre poderás utilizar alternativas como Yahoo! Pipes, Microsoft Popfly, Google Mashup, Macro.scopia,… para xenerar as túas propias fontes.
8. Utiliza sementes RSS non só para obter información de páxinas web. Tamén os correos, os foros, os twitteres, os bittorrent, os paquetes de UPS,… poden ser sindicados.
9. Aproveita para incluir información na túa propia páxina. Ferramentas como feevy, por exemplo, facilitan a inclusión de información de outras webs na túa, e ademáis pode servirche de rápido lector… porqué non?
10. Non te obsesiones coa lectura de sementes. Dedica un tempo pechado ó final do día, por exemplo, ou uns minutos en varios bloques durante a xornada… pero evita estar cada 5 minutos revisando se hai nova información… porque fai 5 anos vivias perfectamente sen estas  historias…