Pois non señores, nin os megapíxeles eses son o máis importante dunha cámara, nin os mapas que nos poñen reflexan a realidade do mundo, nin o canon que impoñen ós cds é xusto.
Aproveitei estas meneadas, porque o outro día discutían dous rapaces que se a cámara do seu móbil era mellor, porque tiña máis megapíxeles. Desengánate rapaz! …a cámara do teu móbil ten unha óptica de merda, e por moi boa vista que teñas, se os cristais dos lentes están desenfocados, vas amañado!

E ós xornais, televisións e resto de medios gráficos, por favor usen os mapas do mundo con un pouco máis de cabeciña… ou polo menos, avisen do tipo de mapa que están a usar e non traten de enganarnos! Que non se pode proxectar con exactitude unha esfera nun plano, que sempre hai que adoptar unha proxección para iso, e todas son deformacións da realidade!
Acabo de mercar 100 medios de grabación ópticos (50 cds e 50 dvds) por 50¤… metan o puto canón por onde lles quepa, porque eu non penso darlles de comer nin un peso!
…é que chega un momento, que xa se cansa un de tanta esbardallada…