Realmente, non acaba de convencerme a rede esa de FON, a filosofía que ten non é todo o libre que agardaba, pero era o xeito máis barato de facerme cun punto de acceso (son un peseteiro, si)

O caso é que, agora que xa está, aproveito para convidar a todos os que pasen preto da estación de autobuses de Ferrol a utilizala cando queiran.

O punto de acceso FON leva o nome de FON_dorfun, pero este aparato ten unha parte pública (para usuarios rexistrados) e outra privada para uso propio. Non vou poñer aquí cal é a chave desa rede privada… pero xa sabedes onde hai que preguntar se a precisades

Cando tiña que aproveitar para desconectar, ocórrenseme unha morea de caralladas sobre a marcha, que obviamente non vou levar a cabo… pero por se algún día a alguén lle interesan… Teño que deixar de percibir cousas estimulantes, que despois un non fai máis que barallar argalladas…
Como montar unha bitácora www.15minutosdegloria.com (agora mesmo a ligazón non existe, creo que non está rexistrada) para que baixo petición (ou non… apuntándose a unha cola) e sin ningún criterio máis que a orde de chegada, ir colgando anotacións durante 15 minutos, nas que alguén quera expresar algo puntualmente, con texto, imaxe, son, video,…

Por outro lado un colectivo de acción inmediata a problemas diarios. Explico. Hoxe escoitaba no telexornal que nunha aldea galega quedaron sen televisión e teléfono por culpa dos lumes… pois organizar xente, e ir aló a facer actividades de entretemento (que era do que máis se queixaban os veciños agora), como teatro, cine, xogos…

Tamén potenciar o uso da Identidade 2.0, porque despois de ver a presentación que me pasou Pater Crespus (grazas!)… a idea non pode ser mellor! Só hay que pensar en cantos nomes de usuarios e contrasinais tes espallados polos distintos servicios da rede… e na posibilidad de fusionar todo en un, para sempre!!!

…teño que apuntar as cousas, que despois pasa o que pasa…