Libros que fan lectores
Fai uns meses collín na Biblioteca de Ferol un tríptico que poñía iso: “Libros que hacen lectores (Guía de Lecturas Infantiles)” Asinábao o Servicio de Orientación de Literatura Infantil de Benidorm, e recollía varias decenas de libros, repartidos por idades.
Lembroume ás guías de nadal que sacaba a Biblioteca de Narón, repartindo por idades, ducias de libros que poder pedir por esas datas.
A guía fai unha escolma de libros en castelán, pero aqueles que teñen traducción a outras linguas estatais, están tamén marcados incluso sinalando a editorial apropiada.
As reseñas son maioritariamente de libros de fora da península, non faltan Christine Nöstlinger ou Roahl Dahl, pero tamén están Joan Manuel Gisbert e Agustín Fernández Paz.
Se teño que escoller con qué libros me empecei a enganchar, penso que foi cos de Endi Blyton (nunca soupen chamarlle Enid)… teño a sensación de ter perdido unha parte da literatura, que cando me toque recuperar será moi distinta do que lembre…
ás veces aínda collo libros que lía de nena, algún de roald dahl que era o meu preferido, e bótolles un ollos por riba, e parece que nada cambiou. os nenos seguen lendo estas cousas?
Supoño que os libros infantís non cambiaron, e seguiran tendo a mesma maxia para os que os lemos. Os que cambiaron, quizais, foron os lectores.
…eu medrei con Paco Martín, con Jordi Sierra, Joan Manuel Gisbert, Agustín Fernández Paz,… …imaxino que agora hai novos autores… e se non, sempre nos quedará Harry Potter! :em52: