Por fin teño unha conexión a internet decente na casa… abandono ó veciño que tan xentilmente comparte a conexión… e tomo as rendas da miña dende xa mesmo.

Evito así­ ó monopolio e os innomeables, para retornar con quen nunca tivera problemas… e que se portou dignamente nesta ocasión. Habí­a un problema na conexión que en 5 dí­as estaba resolto (abrí­n a incidencia un sábado e estarí­a en menos se puidese respostar ó teléfono cando me chamaron… o luns!)

Ainda por riba, o aparato proporcionado, o D-Link DSL-524T vai de marabilla… métolle caña e nin se entera… e a maiores, vai, e ten un gnu/linux dentro… co cal, un porto que aparecí­a pechado inicialmente, convirtoo en invisibel (como están o resto) a base de telnet e iptables! Fantástico!!!

Agora só me queda a segunda parte… aproveitar a tarxeta wireless para convertila nun punto de acceso e devolver os bits que tomara prestados…

Para o gnu/linux como ten o chipset Atheros, o madwifi fai o traballo el só rapidamente… pero alguén sabe se en Windows tamén se pode facer?