O vindeiro sábado 1 de outubro a cidadanía galega xuntarase en Ourense para manifestarse baixo o lema LUME NUNCA MÁIS, O NOSO MONTE IMPORTA. O Comité de Defensa do Monte Galego convoca esta manifestación que sairá do Pavillón dos Remedios ás 20h e percorrerá as rúas ourensás ata rematar na Praza Maior, onde o escritor Xosé Carlos Caneiro dará lectura ao manifesto e a actriz Mabel Rivera lerá as bases do Comité en Defensa do Monte Galego coas demandas e medidas concretas que se reclaman para un cambio efectivo en materia forestal. Numerosos alcaldes e membros das institucións públicas galegas confirmaron a súa presenza na manifestación, que irá encabezada por membros da sociedade civil, persoas afectadas directamente polos incendios e persoal de extinción.

Adxuntamos un documento cos obxectivos e as razóns polas que se convoca esta manifestación, así como as bases en defensa do monte.

Máis info en http://lumenuncamais.blogsome.com/

LUME NUNCA MÁIS. O NOSO MONTE IMPORTA.

Se usas unha rede sen fios pública, completamente aberta, podes tratar de protexerte, coa nova ferramenta: Google Secure Access.

Todo iso, claro, a cambio de que google poida saber por onde navegas…

Este google está a invadir todo, barras de navegación, correo, programas de mensaxería,…

Algúns engadidos para o WP están moi ben, pero consumen recursos que da gusto. David Martínez avísame para que modifique o dos Comentarios recentes, así que vou usar o que me sinalou en Alt1040. De feito eu pensaba que era o trackspam que dende fora non se ve, pero acosa que da xenio velo!

Seguirá sendo efectivo… igual menos atractivo, pero o conto é a eficiencia!

O amigo Moncho fixo de guía (coma algún tempo) no mosteiro de Samos. Fantástico poder percorrer ás nosas anchas o impresionante edificio.

Dispoñer de tempo é algo que os monxes parecen posuir en cantidades astronómicas. Observar como miman o xardín, pasean cos peregrinos,… disfrutan das pequenas cousas!

Acostumaba a visitar as bitácoras galegas (e algunhas de fora) diariamente. Coa sindicación era sinxelo, pero agora nin con iso. Nunca pensei que algo que empezou entre o hobby e o traballo e co que disfruto enormemente, acabase por converterse nunha droga á que tan facilmente me enganchei.

Pensado friamente, non sei que interese ten andar a ler as tonterías que escribimos diariamente. Será algún tipo de malformación psicolóxica a medio camiño entre o exhibicionismo e o voyeurismo… cousas da rede… que anda a trastornar o entendemento humán…