… a anotación de abaixo, non estaba seguro de facela “publica”… ainda que non estou seguro de porqué.

En calquera caso o contrasinal é “a versión alfanumér1ca” do nome da anotación, así que de paso xogamos un pouco

Por certo que convidei a máis xente á dorfunteca, así que aparecerán cousas raras por aquí… supoño :roll:!

Xa estou farto dos estereotipos, das valoracións globais, das opinións xeneralistas, das concepcións de conxunto…

…onte tiven unha discusión sobre o comportamento persoal (das persoas) e as diferencias entre arrepentirse e equivocarse (as noites de festa dan para moito :wink:) Non chegamos a grandes conclusións pero polo menos defendín a condición de ser, como cada un quere ser. E o dereito indiscutible á liberdade individual.

Hoxe pola mañá, levántome co anuncio dunha axencia de viaxes, e un fulano potenciando o recelo que xa ten a maioría da xente de cara ás matemáticas. Non é o primeiro, nin vai ser o último, pero xa está ben de facer sempre as mesmas gracias sobre as mates, que non axudan nada a achegalas máis á xente.

…e mentras, xa temos un novo primo.

Bueno, pois supoño que ía ser cousa de tempo, pero finalmente abandono o barco de webcindario. Non é un mal servidor, para ser de balde, pero para levar unha bitácora, tal vez non sexa o máis efectivo. Esto non quere decir que deixe a bitácora, simplemente cambia de domicilio.

A dorfunteca, segue activa, pero en lugar de http://dorfun.webcindario.com/wordpress
…agora o seu fogar é http://dorfun.bitacoras.com

Quero agradecer a mi@rroba polo espacio que prestou a esta bitácora, e a bitácoras.com pola nova casa.

A partir de hoxe, tentarei duplicar as anotacións nas dúas bitácoras durante 2 ou 3 semáns, para que a xente que pasa por aquí non se perda, pero en webcindario, engadirei sempre o enderezo oficial.

Para os que me teñan sindicado, terán que modificalo por este (copia e pega). Para os que me teñan nas súas ligazóns… pois graciñas por terme nelas …e gracias por actualizala

O porqué do cambio (ademáis do mellor servicio de bitácoras.com), veuse reforzado polo lanzamento do WordPress 1.2, que será o motor que mova esta bitácora. Como novidade principal, dicir que tanto nubeiro coma min, estamos a preparar a traducción do WP, que supoño que nun par de semáns estará finalizada. Así que todos os que se están pasando, ou teñen intención de pasarse… agora non teñen excusa!

Tocoulle onte á última dos Coen, nada do outro mundo, pero saben facer ben unha historia que calquera outro director enviaría directamente ás videotecas. Ademáis merece ser vista por que…

- …son os Coen!
- …os fan do Gospell disfrutaran algo.
- …poderás ver a un Tom Hanks convincente no seu papel.
- …botan o corto de Dalí con Disney: Destino, e está moi ben.

O outro día, falaba cos amigos, se Dalí era importante por sí mesmo ou polas súas obras. Había quen dicia que a Dalí superouno ÉL mesmo, como personaxe. Que era máis coñecido pola súa extravagancia que pola súa obra.

Canta xente hai así polo mundo? (non valen políticos!)